منتديات قمر وسهر
اهلا وسهلا
منتديات قمر وسهر ترحب بكم
اذا كنت عضو مسجل لدينا فبادر بالدخول
اذا لم تسجل بعد فتفضل وبادر بالتسجيل لتفيد وتستفيد
وسنكون سعداء جدا بانضمامك معنا


اقلام ترسم الابداع
 
الرئيسيةس .و .جالأعضاءدخولالتسجيل

شاطر | 
 

 يوم ضاقت

اذهب الى الأسفل 
كاتب الموضوعرسالة
times
قمر جديد
avatar

تاريخ التسجيل : 31/12/2011
عدد المساهمات : 25
نقاط : 38
نقاط التميز : 4
علم الدوله : السعوديه
انثى

مُساهمةموضوع: يوم ضاقت   الثلاثاء يناير 10, 2012 6:14 am

يوم ضاقت ..~
قلت وينك يالفرج ..؟
قال : جيت ..
وشفت حولك ألف صاحب ..
وخفت أسبب لك حرج !!

إرتكيت ..!
بس وين اللي يشيل الحِمل وينه ..!
وين ذاك اللي ذخرته للظما قطرات .. وينه ؟
وين أبو الفزعات عني ..
ما قدرت ألقاه وينه ؟
من لمحني فوق كفّ الموج .. فضّ
كسَّر ألواح الرجا بيني وبينه !!

حزّ نفسي ..
غصّ في حلقي .. ورضّ
كل ضلعٍ لي معاه .. وغضّ عينه !!
يحسب إني مِتّ همّ ..
ولا درى إني حيّ لكن ..
مِتّ من خنقة يدينه !!

يالفرج ..!
صاحبي ما شفت زوله ....!؟
من فقدته فيوم شِدَّه ..
بس لو جاني على قلعة عيوني ..
حالف إني ما أردَّه ..
والمودَّه يالفرج .. هيِّ المودَّه ..
صاحبي .. مالي بصدَّه ..
صاحبي .. روحي عرينه ..
ولو نصاني والنواصي عشب قبري ..
والله إني غصب لآحيا .. ثم أعينه.. !!

إرتكيت ..!
وطحت ..
والجلمود .. ناخ ..!
آه يا كذب الليالي البيض ..
آه يا ظلم السباخ ..
من مشاها ولا وراه زنود تبري الكبد .. داخ .
يا كثر ما خيِّبتّ .. ظنّ اللبيب ..
ويا كثر ما غيِّبتّ .. وجهٍ قريب ..
ويا كثر ما شاف منها ..
صافي النيَّه .. وشاخ ..!

إرتكيت ..
و أثر ظِلِّي ما يمون ..
و أثرني كومة طعون ..
من غلاة أصحابها ..
ما قدرت أقول : آآآآخ ..~

لي مبادي ..
وصاحبي .. لوجار منه الجور .. عادي
وصاحبي .. لو هو قتل ذكراي .. عادي
وصاحبي .. لو هو بِخل بِرضاي .. عادي
وصاحبي ..
يبقى العزيز الناصع اللي له ودادي ..!

ودام أنا ستره وثوبه ..
صاحبي .. ما أقول : عنه أبداً ، وتوبه ..
يا هلا به ..
وبعيوبه ..
وبذنوبه ..
يا هلا .
إن وصلني .. ياهلا .
وإن قطعني .. يا هلا .
صاحبي وإلا فلا .
والغلا نعمة كريم ..
وساقها لكلّ الملا .

ويالفرج .. حاول تحبّ .
دام لآهل الأرض ربّ .
ولو تشوف .. أصحاب واجد حول قلبي ..
لا تعاندّ .
السواعدّ من سراب !
والحصايدّ من يَـباب !
والشِعرّ .. كذَّاب !

خلّ فِتَّال الشوارب .. عن يمينك ..
ولا تخاف من الحرج .. لو قيل وينك ؟
كلّهم مثلي تراهم .. باالنهاية ..
طالبينك .. طالبينك
طالبينك .. يالفرج !!

ويوم ضاقت ..
قلت وينك يالفرج ؟
قال : جيت ..:
وشفت حولك ألف صاحب ..
وخفت أسبب لك حرج ..!





منقول
Like a Star @ heaven
الرجوع الى أعلى الصفحة اذهب الى الأسفل
ahmad211
قـــمـــر مشارك
قـــمـــر مشارك
avatar

تاريخ التسجيل : 28/12/2011
عدد المساهمات : 58
نقاط : 120
نقاط التميز : 2
علم الدوله : الامارات
ذكر

مُساهمةموضوع: رد: يوم ضاقت   الإثنين يناير 16, 2012 4:21 am

ويوم ضاقت ..
قلت وينك يالفرج ؟
قال : جيت ..:
وشفت حولك ألف صاحب ..
وخفت أسبب لك حرج ..!



نص مميز
بمعانيه الراقيه
انتقاء ولا اروع
تحياتي
الرجوع الى أعلى الصفحة اذهب الى الأسفل
times
قمر جديد
avatar

تاريخ التسجيل : 31/12/2011
عدد المساهمات : 25
نقاط : 38
نقاط التميز : 4
علم الدوله : السعوديه
انثى

مُساهمةموضوع: رد: يوم ضاقت   الثلاثاء يناير 31, 2012 6:18 am

ahmad211 كتب:
ويوم ضاقت ..
قلت وينك يالفرج ؟
قال : جيت ..:
وشفت حولك ألف صاحب ..
وخفت أسبب لك حرج ..!



نص مميز
بمعانيه الراقيه
انتقاء ولا اروع
تحياتي





مشكور على روحك الطيبة
التي تواجدت بمتصفحي
لك الورد واريجه
دمت كما تحب لمن تحب
ودي
الرجوع الى أعلى الصفحة اذهب الى الأسفل
 
يوم ضاقت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قمر وسهر :: منتديات أدبيه :: فيض الخاطر-
انتقل الى: