الفلك دور والدنيا تدور

كتبي ياقلام بالمعنى سطور
سطريها في تعابير جزال

الفلك دور والدنيا تدور
والهلال ان غاب يقفاه الهلال

يالبنادم لايعديك الغرور
خل مشيك في حياتك بإعتدال

واخلص الطاعه لرحمن غفور
واحفظ حقوق الولي عز الجلال

الصلاة الوجبة للعبد نور
هي عمود البيت والساس العدال

والدنيا كملوا في كل دور
واسهروا من شانك بعسر الليال

لايجيهم منك إهمال وقصور
واكسب رضاهم على كل الحوال

وخلك لدنياك لاضاقت صبور
الصبر بعده فرج لوكان طال

وخل لك بالمعرفه والعلم دور
والسماحة خلها لك راس مال

استخير الله في كل الامور
واعرف لوزن الخفاف من الثقال

اصدق وصادق ولاتهرج بزورو
لاتضيع وقتك بقيل وقال

القناعه كنز في بعض الصدور
من كسبها حاز زينات الخصال

لو يطولن الليالي والشهور
أشهدن الموت يأتي لامحال

سنه الله من قديمات العصور
هكذا الدنيا نزول وأرتحال